ИККИ ФАОЛ


РУСЛАШТИРИШ  СИЁСАТИ  ҲАҚИДА

Толиб ЁҚУБ

Тоқчилиқ қишлоғида иккита фаол йигит бор – бири узоқ йиллар милиция сафларида хизмат қилиб истеъфога чиққан подполковник Орзиқул Ўрол, иккинчиси Ўзбекистон Инсон Ҳуқуқлари Жамияти (ЎИҲЖ) Жиззах тумани бўлими раиси Мамир Азим. Айтиш лозим-ки, аввало совет армияси ва совет –ўзбек милициясида Орзиқулнинг “суяги қотган” – ўзининг айтишича, у уч марта совет армиясига чақирилган, биринчи марта хизматни Узоқ Шарқдаги Приозёрск шаҳрида, милиция хизматини эса Жиззахда ўтаган. Совет-ўзбек милицияси ўз ходим (кадр)лари соғлиғини ўта қадрлар экан – улар учун Тошкентда махсус даволаниш ва дам олиш маскани (санаторияси) узлуксиз ишлаб туради. Мабодо, собиқ кадр у-бу ишга овора бўлиб даволаниш ва дам олишга бориш ёдидан кўтарилиб кетса, уни санаториядан қўнғироқ қилиб чақириб олишар экан. Фаол йигитларнинг иккаласи ҳам мени ўта ҳурмат қилишади – мен Франциядан қайтган кунларим улар биринчи бўлиб, ҳатто қариндош-уруғларимдан ҳам олдинроқ, мени уйларига таклиф этишиб меҳмон қилишди, меҳмонгарчилик тугагач эса, ҳар иккала хонадондан шоҳи белбоғ ва у-бу нарса ўралган тугун билан ҳовлимга қайтдим. Continue reading

ТОВЛАМАЧИЛИК


Толиб ЁҚУБ

БОШ ПОРАХЎР РАШИД ҚОДИРОВ ҲАҚИДА

Ўзбекистон Республикаси Жиноят Кодекси (ЖК)нинг 165-моддаси “Товламачилик” дея номланган. 2006 йил 29 апрель куни қамоққа олинган менинг куёвим Азамжон Формонов Жиззах вилояти прокуратурасининг алоҳида ишлар бўйича катта терговчиси Қаҳҳор Маллаев ва Сирдарё вилояти Ички ишлар бошқармаси (ИИБ) Тергов бўлимининг катта терговчиси подполковник Бозорбой Қодиров чиқарган қарорларга асосан айнан шу битта (ягона) модда билан айбланди. Ўзбекистон Инсон Ҳуқуқлари Жамияти (ЎИҲЖ)га 20001 йилда аъзо бўлган Азамжон 2006 йилга келиб Сирдарё вилоятида фермерларнинг ҳуқуқларини ҳимоя қилиш соҳасида кўзга яққол ташланадиган ҳуқуқбонга айланди. Бу – вилоят ва Гулистон шаҳар раҳбарларини ташвишга солиб қўйди ва улар … уни узоқ йиллар қамоқда сақлаш режасини ишлаб чиқишди. Бу гапни унга Сирдарё вилоят ИИБ терроризмга қарши кураш бўлимининг бошлиғи полковник Мусо Ражабов айтди: у Азамжонни кўча-куйда кўриб қолса, тўхтатиб бир неча марта: “Ҳой бола, кўзингга қараб юр! Агар ўзингни уёққа-буёққа ташлайверсанг, сени Жаслиқда чиритаман!” деди. Continue reading

СВЕТ ЎЧИШИ ЖОНГА ТЕГДИ


Толиб ЁҚУБ

ДАВЛАТ МОНОПОЛИЯСИ

Қишлоғимизда свет тез-тез ўчиб туради – бир кунда атиги 3-4 марта ўчса, “э, хайрият-эй, 5-10 марта ўчмади-я!” дея суюнамиз. Светимиз кечаси ҳам ўчиб туради. Шуниси чатоқроқ, чунки ҳожатга чиқа олмайсан – ҳожатхонанинг тешигини топиш… буёғини ўзингиз тушунасиз. Ёзда Франциядан меҳмонлар келишини кутиб турибмиз … юракни ҳовучлаб, турган гап! Биз-ку, светсизликга анча ўрганиб қолдик – пайпаслаб бўлса ҳам ҳожатхона тешигини топиб турибмиз. Францияда свет умуман ўчмайди. Бунга ўрганиб қолган меҳмонлар нима қилишаркин? Бошимиз қотиб турибди. Битта йўли – 3-4 та фонарик тайёрлаб қўйиш – бошқа йўли йўқ! Continue reading

НЕГА МЕН СОЛИҚ ТЎЛАМАЙМАН


Павел Гладков:

 

Ўз меҳнатим билан бекорчихўжаларнинг улкан тўдасини боқишга ва уларнинг инжиқликларини кўтаришга менинг мутлақо рағбатим йўқ.

 

21 ноябрь 2018 йил

Мен ўз-ўзини таъминловчи шахсга айланганимга беш йил бўлди. Мен солиқ тўламайман. Ҳеч қандай. Магазинларда маҳсулотлар нархига қўшилганлардан ташқари, албатта. Афсус, ушбу солиқдан мен ҳеч ҳам қочиб қутила олмайман, бироқ бу солиқ ягона бўлиб қолишига ҳаракат қилишга кучим етади. Мен келажакда ҳам солиқ тўламаслик учун қўлимдан келган барча ишни қиламан. Ҳар қандай шароитда! Сабаби оддий: мен давлат пул воситаларини норационал сарфлашни йўлга қўйган, деб ҳисоблайман, кимларнингдир инжиқликларини эса мен ўз меҳнатим билан кўтаришни истамайман. Continue reading

КАРИМОВИЗМ


Толиб ЁҚУБ

ДЕКАРИМОВИЗМ ва УКРАИНА ТАЖРИБАСИ

Мақола давомида тилга олинадиган баъзи тушунчалар:

Islom KARIMOV

Деградация, регрессия de “пастга” сўзи ёрдамида ҳосил қилинган тушунча бўлиб, у аксар ҳолларда тараққиёт (прогресс)га қарама-қарши тушунча сифатида қаралади; Деградация, регрессия — вақт ўтиши билан бирор нарса ёки ҳодиса хоссаларининг ёмонлашиш жараёни, сифатнинг аста-секин ёмонлашуви, пасайиши, табиат ва вақт қонунларига кўра ташқи таъсир натижасида борлиқ (материя)нинг вайрон этилиши; тушкунлик;

Демонтаж — йиғма конструкцияни бир-биридан ажратиш ёки бус-бутун бинони бузиш йўли билан йўқ қилиш; Демонтаж — қурилиш, машина ва аппаратларни алоҳида қисмларга ажратиш, уларни ўрнатилган жойидан бошқа жойга кўчириш; Демонтаж — ижтимоий тузум, давлат бошқаруви тизими (ва ҳ.)ни йўқ қилиш; Де… [лотинча: de – ажратиш, йўқ қилиш, бекор қилиш, тугатишни англатувчи тескари амал]; Мисоллар: дегазация (газсизлаштириш), деблокировать (тўсиқни олиб ташлаш), деморализовать (ахлоқсизлаштириш), яъни, қуйи томонга ҳаракатланиш, пастлаштириш. Continue reading

ДЎСТИМИНГ ХАТОСИ


Толиб ЁҚУБ

Дўстим Швецияда яшайди. У ўзбекистондалигида Ислом Каримовнинг Ўзбекистонда олиб бораётган сиёсатига қарши курашаётган мухолиф кучларнинг биринчи сафида эди. Шу сабабли бўлса керак, И.Каримов шотирлари уни қамоққа олишди, жисмоний қийноқлар ва руҳий хўрлашлар билан уни синдирмоқчи бўлишди, бироқ синдира олишмади. Вазият оғирлашгандан оғирлашаверди – И.Каримов шотирлари қутурган итдай дуч келган одамни “тишлай бошлади”. Бу уларнинг: “ё жим юрасан, ё чет элларга чиқиб кетасан, ёинки қамаласан – танла!” деган сигнали эди. Яхши эсимда: биринчи бўлиб Ўзбекистонни ўзбекнинг буюк шоири Ёдгор Обид тарк этди – И.Каримов шотирлари унга нисбатан бошдан-оёқ сохта учта жиноий иш қўзғатишди. Мухолиф ташкилот “Бирлик” Халқ Ҳаракати (БХҲ) раиси Абдураҳим Пўлат Ўзбекистондан 1992 йил 20 декабрьда чиқиб кетди. Бироқ, вазият ёмонлашгандан ёмонлашаверди – И.Каримов шотирлари қопағонликни қутурган итдан ҳам оширворишди. Кўпчилик тушунди – бугун қамашмаса, эртага сўзсиз қамашади! Яъни, қопағон ит бугун тишламаса, эртага албатта тишлайди! Continue reading

Ўзбекистон Республикаси [ЎзР] Конституцион Суди судьяси Кошаева С.Р.га


Толиб ЁҚУБ

Ўзбекистон Республикаси [ЎзР] Конституцион Суди [КС]

раиси Б.Ш.Мирбобоевга

ЎзР КС судьяси Кошаева С.Р.га Нусхаси: ЎзР Адлия вазири Русланбек Давлетовга

Муҳтарам Мирбобоев Бахтиёр Шамсутдинович!

Муҳтарама Кошаева Сайёра Режипбаевна!

Муҳтарам Русланбек Куролтайевич!

Менинг 2019 йил 6 январьда ЎзР Президенти Ш.Мирзиёев номига йўллаган мурожаатимга ЎзР КС судьяси [С.Р.Кошаева] ўз фикрини билдиргани беҳад қувонтирди. Давлат раҳбари Ш.Мирзиёев номига йўллаган камтарона мурожаатимга мамлакатнинг КС каби ўта нуфузли ташкилоти эътибор қаратгани мени ниҳоятда қувонтириш билан бир пайтда ниҳоятда таажжублантирди ҳам. Қувонишимнинг сабаби эса оддий: Continue reading

РУСЛАШТИРИШ СИЁСАТИДАН ВОЗ КЕЧИШ ва МИЛЛИЙ ИСМ-ШАРИФЛАРНИ ТИКЛАШ ҲАҚИДА


Марказий Осиё (МО)да, хусусан ҳозирги Ўзбекистон ҳудудида, руслаштириш сиёсати [РС]нинг биринчи босқичи XIX-аср ўрталарида МОни Россиянинг “еб тўймас” миллатчи императорлари томонидан амалга оширила бошлаган эди – улар ўзларини маданийлашган ва ўқимишли “оқтанли”, ерлари босиб олинган халқларни эса “туземцы”, яъни, қолоқ, маданиятсиз, паст табақали халқ сифатида қарашарди. ХХ-асрнинг 1917 йил октябрь ойида ашаддий коммунист В.Ленин томонидан уюштирилган давлат тўнтариши РСни янги босқичга кўтарди, гарчи у 1924 йил 21 январьда ўлган бўлса-да, унинг РС таназзулга учрамади – РСни унинг содиқ сафдоши И.Сталин (Жугашвили) давом эттирди. РС Урал тоғидан то Владивостокгача бўлган бепоён ҳудудларда яшаган катта-кичик халқлар ва эл-элатларни қамраб олди, Кавказ ва Кавказорти халқлари, украинлар, молдованлар, фин-угор тилли халқлар РСдан “бенасиб” қолишмади. Бироқ, РСнинг асосий тўқмоғи МО халқлари қозоқлар, ўзбеклар, тожиклар, қирғизлар, туркманлар ва бошқа камсонли эл-элатлар бошида “синди” – у оммавий тусга кирди. Continue reading

ДАВЛАТ РАҲБАРИНИНГ АСОСИЙ ВАЗИФАСИ


       Толиб ЁҚУБ

Чумолитабиатли халқлар

“Давлат раҳбарининг асосий вазифаси нимадан иборат?” дея сўрасангиз, катта кўпчилик ўйлаб ҳам ўтирмасдан: “Нимадан иборат бўларди – давлатни бошқаришдан иборат-да, шуям саволми?” дея саволингизга савол билан жавоб беради. Аслида ундай эмас! Дунёдаги барча давлатлар ўзларининг сиёсий тузуми, иқтисодининг кучи, халқининг менталитети (зеҳнияти), ёшларнинг интеллектуал баркамоллиги ва турли бошқа жиҳатлари бўйича бир неча гуруҳга мансублигини кўриш мумкин. Мас., АҚШ, Буюкбритания, Канада, Япония, Жанубий Қурия, ёки Европа Иттифоқига кирувчи Германия, Франция ва Швейцария каби мамлакатларда, шўбҳасиз, демократик сиёсий тузум ғалаба қилганини, иқтисодий кучи юксак довонларга кўтарилганини, замонавий билим олиш учун ёшларга кенг имконият ва имтиёзлар берилганини кўрамиз. Continue reading

ҲУЖУМ


Толиб ЁҚУБ

 

              ХХ-асрнинг 30-чи йилларида Марказий Осиёда большевиклар “босмачи” дея аташган миллий озодлик ҳаракати ҳарбий куч билан бостирилгач, ҳозирги Ўзбекистон ва Тожикистонда хотин-қизлар орасида қизил империянинг даҳрий раҳбарлари “Ҳужум” ҳаракатини йўлга қўйишди – ҳужум паранжи-чачвонга қарши қаратилган эди. Ўша даврда ўзбек ва тожик аёллар ёппасига кийими устидан паранжи кийган, юзини эса чачвон тақиб тўсган ҳолда кўчага чиқишарди. Бироқ, шаҳарларда ва, ҳатто, қишлоқларда кийими устидан паранжи киймаган, юзини эса чачвон тақиб тўсмаган “боши очиқ”, яъни, бошига фақат рўмол ўраган ёки дўппи кийган қиз-жувонлар онда-сонда пайдо бўлишарди. Ҳужумнинг моҳияти эса ўта содда эди: “Боши очиқ” аёллар қаерда кийими устидан паранжи кийган, юзини эса чачвон тақиб тўсган аёлни кўриб қолишса, дарров уни ўртага олиб унга ҳужум қилишарди – биринчи навбатда “ўранган” аёлнинг чачвонини, иккинчи навбатда эса паранжисини ечиб олишар ва гулхан ёқиб паранжи-чачвонни ўтга ташлаб ёқиб юборишарди. Continue reading

КУТИЛМАГАН ТАШРИФ


(Ҳажвия)

   Шу кечаси азонда дарвозамиз эшигини кимдир таққиллата бошлади. Ҳамма ширин уйқуда, фақат мен компьютерим олдида у-бу нарсаларни ўқиб ўтирган эдим. Апил-тапил кийиндим-да, дарвоза томон югурдим. Совуқ, шамол изиллайди. Тақиллатган ким бўлса ҳам – “бечора совуқдан роса қалтираётган бўлса керак” деган хаёлда дарвоза эшикчасини тез очишга ҳаракат қилдим. Эшикчани очдим-у, қоронғу аралаш қотмадан келган, ёши 40ларга борган бир эркакга кўзим тушди. Танигандай, қаердадир кўргандай бўлдим, “Ҳаҳ, бу кишини қаерда кўрган эканман-а?” деб бир зум қараб турдим, у эса совуқдан тиши-тишига тегмай қалтираб турибди. Гапиролмайди! Continue reading

K U N. U Z г а Х А Т


«…Бир ҳақиқатни мен ҳеч иккиланмай айтишим мумкин: чет элларда яшаётган ҳар бир ўзбекистонлик оила ватанга қайтиш орзуси билан яшамоқда, “мен Ўзбекистонга қайтмайман” дегувчиларни санаб чиқиш учун эса икки қўлнинг бармоқлари етарли…»

Continue reading

МУРОЖААТ


Мен Франциядан Ўзбекистонга ҳамоноқ бир катта мақола ёздим ва унда бир қатор таклифларни илгари сурдим. Мақолани президент девонига ва Вазирлар Маҳкамасига юбордим. Менга давлат идораларидан бирин-кетин хатлар кела бошлади. Шу пайтгача 6-7 та хат келди. Бошида қишлоғимизда свет тез-тез ўчиб турарди (суткада камида 2 марта), ҳозир эса деярли ўчмаяпти, охирги бир неча кун давомида бир марта ҳам ўчгани йўқ. ХУЛОСА: Ҳозирги президент даврида курашиб натижага эришиш мумкин экан.

Мен яна битта ташаббус билан чиқдим – менга жавоб ёзган давлат мулозимларига МУРОЖААТ ёздим ва унда ПФ-4624 Фармонни бекор қилиш масаласига қўл уришга даъват қилдим. Сизларга ўша МУРОЖААТ матнини юбораяпман.
Ҳурмат ила Толиб акаман.

Continue reading

ГЛАВНАЯ ЗАДАЧА


Дўстлар, ас-салому алайкум!

Ушбу мақолани мен Франциядалигимда ёзган эдим, бироқ уни фейсбукга қўйган-қўймаганимни эслай олмадим. Мен мақолани қайта ишладим, анча янги материалларни киритдим.
Мен мақолани рус тилида ёзганимга ўзбекзабонли ўқувчилардан узр сўрайман – мен уни русзабонлилар ҳам ўқишини истаганим учун рус тилида ёздим.
Мен мақолани нафақат сайтларга, балки баъзи ҳукумат идораларига ҳам юбормоқчиман.
Сизларга сиҳат-саломатлика тилаб
Толиб акаман.

Continue reading

Т. Ёқубов: Фуқароликдан айрилганларга ёрдам бераман!


АҚЛЛИ АЛЛОМАЛАР ва ДЕҲҚОН


Толиб ЁҚУБ

 

АҚЛЛИ АЛЛОМАЛАР ва ДЕҲҚОН

 

Бир-бирини яхши танийдиган, ёшликда бирга ўйнаб-ўсишган 2-3 та олим, 3-4 та турли соҳалар мутахассиси ва битта деҳқон ҳафтада бир марта чойхонада йиғилишиб ҳарфана ейишар, сўҳбат пайтида асосан олимлар ва мутахассислар гапирар, деҳқон эса жимгина эшитиб ўтирар экан. Ҳар сафар олимлар деҳқонга умуман тушунарсиз қандайдир юқори материялар ҳақида гапиришса, мутахассислар ўзларининг кашфиётлари ҳақида завқланиб сўз юритишарди. Баъзан сўҳбат кутилмаган мавзуга бағишланган пайти ҳам бўларди. Бир сафар гап ҳазил-мутойибага айланди ва сўҳбатдошларнинг бири эшак қандай ҳайвон, унинг ўта ўжарлигини ҳамма билади, халачўп билан ниқтамасанг ўла қолса ҳам юрмайди, унда фаросатнинг “ф”си ҳам йўқ, ҳатто сигирчалик “ақли” йўқ – сигирни ҳовлингдан далага ҳайдаб юборсанг, кечгача далада ўтлаб, кечқурун ўзи ҳовлингга кириб келаверади, дея жамоа олдига – нега? деган савол қўйди. Continue reading

ЮРТГА ҚАЙТИШ МУАММОСИ


Толиб ЁҚУБ

 

(Ярим ҳазил, ярим чин)

 

Шу кеча-ю кундузда мени ватанга, юртимиз Ўзбекистонга, қайтиш масаласи чулғаб олган. Бу ҳақиқий, чин масала – ҳазили йўқ! Бундан 1,5 йил илгари бу масала ҳаёлимга ҳам келмасди. Салкам 2 йил илгари Ўзбекистонда “келсанг ютаман” дейдиган исми Ислом, шарифи Карим бўлган аждаҳо бор эди. Ҳозир у йўқ – у ўлди! У 27 йил давомида яратган сиёсий тузум ҳам аста-секинлик билан ўлиб бораяпти, дейишмоқда Ўзбекистонда яшаётган таниш-билишлар. Илоҳим, шундай бўлсин! Чет элларда менга ўхшаган минглаб (балки ўнминглабдир?) ўзбекистонликлар шу орзу билан юришибди. Мен шу масала бўйича ҳар куни Озодлик Радиоси сайтини титкилайман. Кеча бундай хабар чиқди: “2005 йилдан буён Қирғизистон ва Россияда, 3 йилдан бери эса, Туркияда яшаётган Маъмура Раҳматова турмуш ўртоғи, қизи, ўғли, келини ва икки набираси билан Ўзбекистонга қайтишга қарор қилди…. Туркиядаги Ўзбекистон Бош консули ёрдамчисининг айтишича, агар Маъмура Раҳматова мурожаат қилса, унга ва оиласига Ўзбекистонга қайтиши учун қонун доирасида кўмак кўрсатилади. Continue reading

КИМДИР ОБОД ЮРТНИ ХАРОБ ҚИЛАДИ, КИМДИР ХАРОБ ЮРТНИ ОБОД ҚИЛАДИ


Толиб ЁҚУБ

Қишлоғимиздан икки километрча нарида темирйўл разъезди бўлиб, СССР парчалангач, темирйўл ҳам, разъезд ҳам бора-бора харобага айланди. Разъездда пишиқ ғиштдан тикланган 4 хонали иморат бўлиб, атрофда яшовчи аҳоли унинг барча эшик ва деразаларини қўпориб олиб кетишган, иморат ҳувуллаб қолган эди. Ўша пайтда мен Тошкентда, оилам (аёлим ва болаларим) эса Жиззахда, ота-онамдан қолган ҳовлида яшарди. Мен аҳъён-аҳъёнда оиламдан хабар олган Тошкентдан Жиззахга машинамда келганимда шу разъезд ёнидан ўтар эдим. Бир сафар келганимда нимагадир разъезд олдида тўхтадим. Машинадан тушишим билан кўзим ўта хароб ахволда бўлган бир чолга тушди – соқол-мўйлови ўсиб кетган, устидаги кийими йиртиқ, кирдан ранг-рўйини билиб бўлмас даражада эди.

Continue reading

ЎГИТЛАР


Толиб ЁҚУБ

ТЎРТ БУЮК ДИН, ТЎРТ БУЮК ПАЙҒАМБАР, ЎН ЎГИТ ва ҲИЖОБ

Ҳар қандай дин – ғоя, ҳар қандай ғоя – дин! Бу менинг фикрим эмас, бу – файласуфларнинг фикри. Дунёда динлар ва, демак, ғоялар кўп. Бу гапнинг акси ҳам тўғри – дунёда ғоялар ва, демак, динлар кўп. Дунёда беҳисоб ғоялар бор – уларнинг ҳар бирига инсониятнинг бир қисми ич-ичидан ишонади. Қандайдир ғояга ўнта одам ишонади, баъзисига мингта, баъзисига эса миллионлаб одам эътиқод қилади. Ғояни кашф этган инсонни унга эргашган ва ишонган одамлар даҳо (доҳий) дея тан олишади. Динда ҳам шундай – динда даҳони пайғамбар дейишади. Баъзи ғоялар инсонпарварликни тарғиб қилса, баъзилари эса инсонлар ва халқлар орасига раҳна солишга интилади. XIX-асрда миллати яҳудий бўлган германиялик файласуф Карл Маркс коммунистик ғояга асос солди. Унинг ғояси шу қадар жозибалик эди-ки, бу ғоя дунёдаги турли мамлакатларда юзмиллионлаб одамларни ўз ортидан эргаштирди – коммунистик ғоя динга, унинг асосчиси К.Маркс эса коммунистларнинг доҳий-пайғамбарига айланди. ХХ-асрда Германияда яна битта доҳий пайдо бўлди, уни немиснинг катта-ю-кичиги “фюрер” (доҳий) деб аташарди – бу нацизм ғоясига асос солган Адольф Ҳитлер эди. Унинг ғояси ҳам, К.Маркс ғояси каби, ўта жозибали эди, шунинг учун ҳам фан, техника, архитектура, адабиёт ва бошқа соҳаларда дунёга машҳур бўлган минглаб олим-у ёзувчиларни етиштириб берган немис халқини 15-20 йил ичида доҳий учун жонини ҳам аямайдиган фанатлар тўдасига айлантирди. Continue reading

ОБРАЩЕНИЕ ПРЕЗИДЕНТУ РЕСПУБЛИКИ УЗБЕКИСТАН ШАВКАТУ МИРЗИЯЕВУ


ОБРАЩЕНИЕ

ПРЕЗИДЕНТУ РЕСПУБЛИКИ УЗБЕКИСТАН ШАВКАТУ МИРЗИЯЕВУ

ПО ПОВОДУ О ВОЗВРАЩЕНИИ НА РОДИНУ ПРАВОЗАЩИТНИКА ТАЛИБА ЯКУБОВА

Многоуважаемый господин Президент!

Мы, представители гражданского общества Узбекистана, которые на сегодняшний день проживают во многих уголках мира, а также те, которые ведут свою деятельность внутри страны, обращаемся к Вам с настоятельной просьбой в том, чтобы Вы взяли под свой личный контроль вопрос о возвращении на родину гражданина Республики Узбекистан, известного правозащитника Талиба Якубова, человека, который одним из первых в Узбекистане поднял вопросы о правах человека, демократии, свободы слова и выражений, борьбы против пыток, наставника всех нас в этих вопросах — у которого единственным желанием и мечтой является возвращение на родину. Continue reading